Ngalenyepan Hujan

الْحَمْدُ للهِ الَّذِي يُنِيْرُ بِالْهُدَى دُرُوْبَ الْمُؤْمِنِيْنَ، أَشْهَدُ أَنْ لاَّ إِلَهَ إِلاَّ الله وَأَشْهَدُ أَنَّ مُحَمَّدًا عَبْدُهُ وَرَسُوْلُهُ الْمَبْعُوْثُ رَحْمَةً لِلْعَالَمِيْنَ. اللَّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. أَمَّا بَعْدُ، فَيَاأَيُّهَاالْحَاضِرُوْنَ أُوْصِى نَفْسِى وَإِيَاكُمْ بِتقْوَى اللهِ فَقَدْ فَازَ الْمُتَّقُوْنَ. فَقَدْ قَالَ اللهُ فِي تَنْـزِيْلِهِ: أَعُوْذُ بِاللهِ مِنَ الشَّيْطَانِ الرَّجِيْمِ وَمِنْ آيَاتِهِ يُرِيكُمُ الْبَرْقَ خَوْفًا وَطَمَعًا وَيُنَزِّلُ مِنَ السَّمَاءِ مَاءً فَيُحْيِي بِهِ الْأَرْضَ بَعْدَ مَوْتِهَا إِنَّ فِي ذَلِكَ لَآيَاتٍ لِقَوْمٍ يَعْقِلُونَ

Hadirin, ahli Jum’ah anu miharep rahmat Allah.

Ayat 24 Surat ar-Ruum anu diaoskeun di awal khutbah nembe hartosna (Wallahu a’lam):

“Jeung ti antara tanda-tanda kakawasaana-Na, Mantenna nembongkeun kilat ka aranjeun nu ngalahirkeun kasieun jeung pangharepan; Mantenna nurunkeun cai hujan ti langit sarta ku eta cai Mantenna ngahirupkeun bumi sabada maotna. Saestuna dina kajadian eta teh aya tanda-tanda (kakawasaan Allah) pikeun jalma nu ngagunakeun akal”

Dumasar kana ayat ieu, aya dua isyarat tina lungsurna cai hujan, nyaeta khaufan (hartosna nimbulkeun rasa sieun, hariwang) sareng thama’an (hartosna  nimbulkeun rasa bungah, harepan).

Kiwari hujan lungsur di mana-mana, ampir di satiap daerah negeri urang. Di hiji sisi hujan ageung anu ngaguyur teras-terasan parantos ngalahirkeun rupi-rupi kajantenan anu teu diharepkeun, sapertos banyir sareng urug di sababaraha tempat. 

Longsor sareng banyir di sapalih daerah eta parantos ngabalukarkeun korban, boh mangrupi karugelan jiwa atanapi karugelan materiil anu teu saalit. Jalan sareng jambatan seueur anu reksak. Kompleks-kompleks padumukan sareng infrastruktur seueur anu kakeueum ku cai, anu balukarna aktifitas warga janten kaganggu. Sapalih anggota masyarakat aya anu dievakuasi, dikempelkeun di tempat pangungsian sangkan aman.

Nanging di sisi anu sanesna, lungsurna cai hujan janten berkah sareng harepan pikeun kalangsungan hirup satiap makhluk anu aya di luhureun bumi ieu, kalebet manusa. Cai didambakeun ku manusa, sato sareng pepelakan. Peryogina kana cai karaos pisan saupami aya halodo panjang.  Pepelakan sareng tatangkalan anu hasilna tiasa dimanfaatkeun ku manusa, enggal janten sareng tuwuh kalayan sae nalika aya suplai cai anu cekap. Nyakitu deui cai diperyogikeun ku manusa sareng sasatoan kangge leueut. Cindekna, kahirupan di bumi ieu gumantung pisan kana ayana cai hujan.

Hadirin rohimakumullah.

Cai hujan anu dipikahariwang sakaligus anu diharepkeun eta mangrupikeun tanda-tanda kakawasaan Allah. Mantenna anu nangtoskeun sareng ngalungsurkeun cai hujan ti langit iraha sareng di mana wae Mantenna ngersakeun. Manusa teu tiasa ngatur cai hujan, mung sakadar nginten-nginten (prakiraan)  dumasar kana perhetangan matematis, fenomena sareng pergerakan angin atanapi awan anu aya di langit. Ngeunaan kapastian lungsurna hujan, manusa teu aya anu terangeun, margi hal ieu kalebet kana salah sawios di antawis konci-konci ghaib. Allah SWT ngadawuh (QS Luqman: 34):

إِنَّ اللَّهَ عِنْدَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ

“Saestuna Allah, nya di Mantenna aya pangaweruh perkara kiamat, jeung Mantenna anu nurunkeun hujan, sarta Mantenna anu uninga kana eusi kandungan. Jeung henteu aya saurang oge anu nyaho naon anu bakal dipigawe ku manehna isukan. Jeung moal aya saurang oge anu nyaho bakal di tanah mana manehna maot. Saestuna Allah Maha Uninga tur Maha Ningali”.

Hadirin Jama’ah Jum’ah rahimakumullah.

Tarekah manusa dina ngagiring atanapi nembakkeun cai hujan ka hiji arah ngalangkungan rekayasa cai hujan sangkan ngirangan jumlah curahna kanggo hiji daerah, mung saalit pangaruhna, nanging ageung biayana.

Kajantenan banyir atanapi longsor balukar tina hujan, masihan gambaran yen lungsurna cai hujan teu tiasa diatur ku kamampuhan akal manusa, elmu sareng teknologi sakumaha canggihna oge. Kangge jalmi iman, lungsurna cai hujan mangrupikeun bagian tina sunnatullah sareng tanda bukti kakawasaan Allah anu absolut.

Kawajiban urang ayeuna nyaeta ngabantos sareng kerjasama kangge ngirangan beban dulur-dulur urang anu kakeunaan musibah, bari teras ngadangdosan infrastruktur anu diperyogikeun, sapertos ngadamel bendungan anu kiat, nyeueurkeun daerah resapan cai, ngadangdosan jambatan sareng jalan anu reksak, henteu miceun runtah di saluran-saluran cai. Oge anu teu kinten pentingna urang kedah teras-terasan ningkatkeun kaimanan sareng katakwaan ka Allah SWT, sanes malah sabalikna nyeueurkeun maksiat sareng kadorakaan.

بَارَكَ اللهُ لِي وَلَكُمْ

___________________

الحمد لله الذي نحمده ونستعينه ونستغفره ونعوذ بالله من شرور أنفسنا وسيئات أعمالنا من يهد الله فلا مضل له ومن يضلل فلا هادي له. أشهد أن لا إله إلا الله وحده لا شريك له وأشهد أن محمدا عبده ورسوله لا نبي بعده. أللهم صل وسلم على رسول الله سيدنا محمد وعلى آله وصحبه ومن تبعه إلى يوم القيامه. أما بعد, فيا عباد الله أوصينى نفسى وإياكم بتقوى الله وطاعته لعلكم تفلحون وقال تعالى إن الله وملائكته يصلون على النبي ياأيها الذين آمنوا صلوا عليه وسلموا تسليما.

أللهم صل وسلم على سيدنا محمد وعلى آله وصحبه أجمعين آمين: أللهم اغفر للمسلمين والمسلمات والمؤمنين والمؤمنات الأحياء منهم والأموات, اللَّهُمَّ أَصْلِحْ لَنا دِيْنَنَا الَّذِي هُوَ عِصْمَةُ أَمْرِنا وَأَصْلِحْ لنا دُنْيَانا الَّتِي فِيهَا مَعَاشُنَا وَأَصْلِحْ لنا آخِرَتنا الَّتِي فِيهَا مَعَادُنا وَاجْعَلِ الْحَيَاةَ زِيَادَةً لنا فِي كُلِّ خَيْرٍ وَاجْعَلِ الْمَوْتَ رَاحَةً لنا مِنْ كُلِّ شَرٍّ ربنا آتنا من لدك رحمة وهيِّء لنا من أمرنا رشدا.

 عباد الله , إن الله يأمر بالعدل والإحسان وإيتاء ذى القربى وينهى عن الفحشاء والمنكر والبغي يعظكم لعلكم تذكرون أستغفرالله العظيم لى ولكم.