Ngawangun Harepan di Tengah Pandemi

اَلْحَمْدُ للهِ الَّذِيْ أَمَرَناَ أَنْ نُصْلِحَ مَعِيْشَتَنَا لِنَيْلِ الرِّضَا وَالسَّعَادَةِ، وَنَقُوْمَ بِالْوَاجِبَاتِ فِيْ عِبَادَتِهِ وَتَقْوَاهُ، أَشْهَدُ أَنْ لَا إِلَهَ إِلاَّ اللهُ وَحْدَهُ لاَ شَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ مَنْ لَا نَبِيَّ بَعْدَهُ. اَللَّهُمَّ صَلِّ وَسَلِّمْ عَلَى سَيِّدِنَا مُحمَّدٍ أَشْرَفِ الْأَنْبِيَاءِ وَالْمُرْسَلِيْنَ وَعَلَى آلِهِ وَصَحْبِهِ أَجْمَعِيْنَ، أَمّا بَعْدُ فَيَاعِبَادَ الله، اُوْصِيْكُمْ وَنَفْسِي بِتَقْوَى الله، فَقَدْ فَازَ الْمُتَّقُوْنَ. قَالَ اللهُ تَعَالَى فِيْ كِتَابِهِ الْكَرِيْم، بِسْمِ اللهِ الرَّحْمَنِ الرَّحِيْمِ. يَا أَيُّهَا الّذين آمنوا اتَّقُوْا اللهَ حَقَّ تُقَاتِهِ وَلَا تَمُوْتُنَّ إِلاَّ وَأَنْتُمْ مُسْلِمُوْنَ

Ma’asyiral Muslimin rahimakumullah

Kiwari pandemi covid-19 masih teu acan sirna ti negeri urang. Kukituna seueur perkawis multidimensi anu dipayunan ku masyarakat, diantawisna masalih psikologis sapertos rasa sieun, sedih, frustasi, keluh kesah, panik sareng kirang sabar anu sering ngakibatkeun putus harepan. Saupami putus harepan parantos ngaraksuk kana jiwa, maka wabah corona ieu baris moal nyumpingkeun hikmah, ibarat angeun sayur anu teu diuyahan, bakal hambar karaosna ku letah. Padahal rasa sieun, lapar sareng kakirangan harta teh mangrupikeun cocobi anu kedah dipayunan ku kasabaran sareng sikep optimis.

وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ

"Jeung saestuna kami bakal nyoba aranjeun ku rupa-rupa kasieun, kalaparan, kakurangan banda, jiwa jeung bubuahan. Jeung prak bere kabar gumbira ka jalma-jalma anu salabar” (QS Al-Baqarah: 155).

Putus harepan mangrupikeun sikep anu awon, sikep anu matak ngalemahkeun sumanget sareng akal pikiran, sikep anu ngebrehkeun pesimisme sareng ngaleungitkeun rasa percaya diri. Putus harepan dilarang dina ajaran Islam, sakumaha dawuhan Allah dina Surah Yusuf: 87,

وَلَا تَيْأَسُوا مِنْ رَوْحِ الله إِنَّهُ لَا يَيْأَسُ مِنْ رَوْحِ اللهِ إِلَّا الْقَوْمُ الْكَافِرُونَ

“Ulah putus harepan aranjeun tina rahmat Allah. Saestuna anu putus harepan tina rahmat Allah ukur jalma-jalma kafir” (QS Yusuf: 87).

Sawangsulna, urang minangka jalmi anu ngagem kaimanan kedah ngalawan sikep putus harepan/pesimisme ieu ku sikep pinuh harepan anu nembongkeun optimisme. Langit henteu salamina ceudeum ku pihujaneun, nanging aya kalana bakal caang deui. Hirup henteu salamina sedih sareng duka nestapa, nanging aya kalana ditungtungan ku kabagjaan. Sapertos kitu, jiwa optimis saupami dipatri dina diri maka rahmat Allah baris sumping ka urang.

Optimimisme ngajarkeun kayakinan sangkan urang tiasa ngahontal hasil anu langkung sae, cadu nyerah kana kaayaan, oge ngagaduhan pikiran anu positif dina mayunan kasulitan sareng masalah. Sikep optimis ngandung hartos urang nebihan tina stres, fobia, panik atanapi depresi. Jalmi anu optimis henteu gampil kagetan ku kajantenan-kajantenan anu tumiba, nanging anjeuna gampil ngondisikeun diri sareng kaayaan, percaya diri, emutan positif, pinuh kasadaran diri, sareng tangguh dina mayunan masalah. Umat Islam anu optimis, ngagaduhan sumanget joang anu luhur, ngajantenkeun ibadah sareng du’a minangka senjata ampuh pikeun ngaraih hirup anu langkung sae.

Ma’asyiral Muslimin rahimakumullah.

Dina ajaran Islam sikep optimis biasa disebat raja’ (harepan), nyaeta paraosan pinuh harepan kana sawarga sareng kanikmatan sanesna, minangka buah tina katoatan ka Allah sareng rasul-Na. Raja’ kalebet kana akhlakul karimah anu tiasa ngiatan iman dina raraga deuheus diri ka Allah SWT sareng nyumpingkeun rahmat-Na. Imam al-Ghjazali dina Ihya Ulumiddin ngajelaskeun ngeunaan sifat raja’ ieu:

الرجاء هوارتياح القلب الا نتظار ما هو محبوب عنده

“Raja’ nyaeta paraosan senang hate dina ngantos perkara anu dipikaresep”

Hiji jalmi henteu diangkeun ngagaduhan sikep raja’ saupami henteu disarengan ku amal soleh. Hal ieu dumasar kana dawuhan Allah SWT dina surah al-Kahfi: 110,

فَمَن كَانَ يَرْجُوا لِقَآءَ رَبِّهِۦ فَلْيَعْمَلْ عَمَلًا صَٰلِحًا وَلَا يُشْرِكْ بِعِبَادَةِ رَبِّهِۦٓ أَحَدًا

“Saha jalma anu ngaharep bisa patepung jeung Pangeranna, maka kudu milampah amal soleh sarta ulah ngamusyrikeun saurang oge enggoning ibadadah ka Pangeranna”

Ma’asyiral muslimin rahimakumullah.

Kalintang peryogina sikep optimis ieu dipelakkeun dina diri sangkan tiasa ngahontal kahirupan anu langkung sae. Minangka umat Islam, urang kedah nebihkeun diri tina paraosan-paraosan fobia (sieun) dina mayunan pandemi anu teh acan rengse-rengse ieu. Urang gaduh kayakinan, sakumaha sulitna oge kaayaan, Allah SWT baris ngalungsurkeun jalan kaluar atanapi solusi-solusi tina sagala rupi kasulitan. Surah Al-Insyirah: 1-8 nyebatkeun:

أَلَمْ نَشْرَحْ لَكَ صَدْرَكَ (۱) وَوَضَعْنَا عَنْكَ وِزْرَكَ (٢) الَّذِي أَنْقَضَ ظَهْرَكَ (٣) وَرَفَعْنَا لَكَ ذِكْرَكَ (٤) فَإِنَّ مَعَ الْعُسْرِ يُسْرًا (٥) إِنَّ مَعَ الْعُسْرِ يُسْرًا (٦) فَإِذَا فَرَغْتَ فَانْصَبْ (٧) وَإِلَى رَبِّكَ فَارْغَبْ (٨)

“Naha lain Kami geus ngajembarkeun dada anjeun, jeung Kami geus ngalesotkeun bangbaluh anjeun, anu ngabeungbeuratan tonggong anjeun, jeung Kami geus ngangkat ngaran anjeun? Saestuna kasusah teh dibarengan ku kabungah, jeung saestuna karipuh teh dibarengan ku kasenangan. Ku kituna upama anjeun geus salse, prak geura nangtung (digawe deui), jeung nya ka Pangeran anjeun kuduna anjeun miharep”

Patali sareng optimisme ieu, Ahmad Musthafa al-Maraghi nafsirkeun surah al-Insyirah ieu ngagaduhan opat maksad:

1. Ngajelaskeun sagala kanikmatan anu parantos dipasihkeun ka Nabi Muhammad SAW,
2. Jangji Allah anu baris ngaleungitkeun kasulitan sareng cobian anu dipayunan ku anjeuna,
3. Parentah Allah ka Nabi Muhammad SAW sangkan tetep sareng teras-tumeras ngalaksanakeun amal soleh,
4. Pasrah diri samata-mata ka Allah, sareng nyanggakeun sagala harepan mung ka Mantena.

Surah al-Insyirah ieu dikawitan ku ayat-ayat anu ngagambarkeun anugerah kajembaran hate anu katampi ku Rasulullah SAW salajengna ditungtungan ku pitunjuk anu tiasa nganteurkeun hiji jalmi tiasa ngaraih kajembaran eta. 

Dina kondisi pandemi sapertos ayeuna, optimisme dina enggoning ngaminimalisir paraosan hariwang sareng sieun eta tiasa disarengan ku amal, padamelan sareng upaya teras terasan sangkan tiasa enggal mendakan vaksin anu tepat, lengkah-lengkah mitigasi sareng preventif pikeun megatkeun sumebarna panyakit ku ngabiasakeun hirup sehat sareng nerapkeun 3 M, oge anu teu kinten utamina urang pada akhirna kedah nyanggakeun sagala upaya sareng harepan mung ka Allah SWT anu nyiptakeun urang sadaya.

Ma’asyiral muslimin rahimakumullah.

Sakitu khutbah singkat anu kapihatur. Pamugi sagala rupi perkawis anu janten dampak tina covid-19 ieu, aya solusina anu tepat. Ku ngawangun sikep pinuh harepan atanapi raja’ ieu malahmandar urang tiasa ngaraih rahmat sareng kabagjaan dina ngajalanan kahirupan anu fana ieu.

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ, وَنَفَعَنِيْ وَإِيَّاكُمْ بِمَا فِيْهِ مِنَ الآيَاتِ وَالذِّكْرِ الْحَكِيْمِ. إِنَّهُ هُوَ البَرُّ التَّوَّابُ الرَّؤُوْفُ الرَّحِيْمُ.

--------------------------

الحمد للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِيْ إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا أَمَّا بَعْدُ فَياَ اَيُّهَا النَّاسُ اِتَّقُوا اللهَ فِيْمَا أَمَرَ وَانْتَهُوْا عَمَّا نَهَى وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ الأَحْيَآءِ مِنْهُمْ وَالأَمْوَاتِ، إِنَّكَ سَمِيْعٌ قَرِيْبٌ مَجِيْبُ الدَّعَوَاتِ. اللَّهُمَّ ادْفَعْ عَنَّا الْبَلاَءَ وَالْوَبَاءَ وَالزَّلاَزِلَ وَالْمِحَنَ وَسُوْءَ الْفِتْنَةِ مَا ظَهَرَ مِنْهَا وَمَا بَطَنَ عَنْ بَلَدِنا إِنْدُوْنِيْسِيَا خَآصَّةً وَعَنْ سَائِرِ الْبُلْدَانِ الْمُسْلِمِيْنَ عَآمَّةً يَا رَبَّ الْعَالَمِيْنَ اللهم أرنا الحق حقاً وارزقنا اتباعه وأرنا الباطل باطلاً وارزقنا اجتنابه. رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ.

 

عِبَادَ اللهِ! إِنَّ اللهَ يَأْمُرُ بِالْعَدْلِ وَالإِحْسَانِ وَإِيْتَآءِ ذِي الْقُرْبَى وَيَنْهَى عَنِ الْفَحْشَآءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ، وَاذْكُرُوا اللهَ الْعَظِيْمَ يَذْكُرْكُمْ وَاشْكُرُوْهُ عَلَى نِعَمِهِ يَزِدْكُمْ وَاسْئَلُوْهُ مِنْ فَضْلِهِ يُعْطِكم، وَلَذِكرُ اللهِ أَكْبَرُ