Tingkatan Tawekal

 الحمد لله والصلاة والسلام على رسول الله سيدنا محمد وعلى آله وصحبه ومن والاه. أشهد أن لا إله إلا الله وأشهد أن محمدا عبده ورسوله, أما بعد, فيا عباد الله اتقواالله حق تقاته ولا تموتن إلا وأنتم مسلون، قال الله تعالى يَاأَيُّهَا الَّذِينَ آمَنُوا اذْكُرُوا نِعْمَتَ اللَّهِ عَلَيْكُمْ إِذْ هَمَّ قَوْمٌ أَنْ يَبْسُطُوا إِلَيْكُمْ أَيْدِيَهُمْ فَكَفَّ أَيْدِيَهُمْ عَنْكُمْ وَاتَّقُوا اللَّهَ وَعَلَى اللَّهِ فَلْيَتَوَكَّلِ الْمُؤْمِنُونَ (المائدة: ١١)

 

Ma’asyiral Muslimin anu miharep rahmat Allah.

Dina tungtung ayat Al-Qur’an anu diaoskeun di awal khutbah nembe Allah SWT marentahkeun sangkan jalmi-jalmi anu ariman tawekal, dina hartos masrahkeun diri ka Allah SWT.

Kapasrahan diri ka Allah SWT ti jalmi-jalmi anu ariman, ngagaduhan sababaraha tingkatan. Aya anu pasrah dina hartos tawekal, nyaeta pasrahna hiji jalmi ka Allah SWT nanging masih ngagunakeun logika, perhetangan, sareng upaya. Upamana, hiji jalmi anu masrahkeun urusanana ka Allah SWT saatos ngajalankeun proses upaya anu ketat, lajeng ngado’a ka Mantena. Kapasrahan sapertos kieu diebrehkeun dina posisi diri langkung aktif tinimbang sifat hakikat pasrah eta nyalira.

Sikep pasrah dina hartos tawekal ieu dirojong ku Rasulullah SAW, sakumaha dijelaskeun dina hiji riwayat, "Hiji waktos Rasululloh SAW kasumpingan sababaraha tamu ti luar kota Madinah. Salah sawios diantawis tamuna ditaros ‘dimana anjeun nyangcang onta?’ Tamu eta ngajawab, ‘kuring henteu nyancang, sabab kuring geus tawekal ka Allah SWT’, lajeng jalmi eta nyuhunkeun Rasulullah SAW ngado’akeun sangkan onta-na aman. Rasulullah SAW negor pamuda eta bari nyarios, 'cangcang heula ontana, geus kitu pek tawekal ka Allah SWT'."

Hadirin Ahli Jum’ah rahimakumulloh.

Tawekal henteu tiasa dihartoskeun kapasrahan pasif, anu ngaisyaratkeun aya unsur kaputusasaan sareng kangedulan, nanging kapasrahan aktif anu saluyu sareng kapasitas manusa salaku hamba sareng khalifah anu ditungtut pertangelwaleran amalna. Urang teu tiasa calik bari pasif nalika diri urang katarajang hiji panyakit, tapi urang kedah ngupayakeun milarian cara ngadamangkeunana. Saupami urang parantos lalandong ku rupi-rupi cara sareng upaya, nanging panyawat tetep wae aya, nembe urang tawekal sareng nyanggakeun sagala urusanana ka Allah SWT anu Maha Ngadamangken.

Hadirin rahimakumullah.

Nanging aya deui rupi kapasrahan anu langkung luhur tinimbang kapasrahan dina hartos tawekal, nyaeta “Taslim”. Kapasrahan dina tingkatan ieu (taslim) tiasa dijelaskeun dina gambaran pasrahna hiji orok. Hiji orok ngebrehkeun kapasrahan total di payuneun sepuhna, khususna kanu janten ibuna. Murangkalih orok eta teu peryogi kokoprot kesang kanggo milari nafkah pikeun tuang-leueutna. Anjeuna oge teu kantos ngemutan kabutuhan primer sareng sekunderna, margi anjeuna parantos janten objek kanyaah paling sajati ti nu janten ibu sareng kulawargi caketna. Murangkalih orok cekap masihan isyarat mangrupi tangisan, maka sadaya jalmi anu aya di tempat eta, utamina ibuna, rebutan kanggo masihan bantosan ka eta orok. Anjeuna leres-leres diogo ku lingkungan anu aya disabudeureunana. Anjeuna langkung pasif nanging Allah langkung pro-aktif. Allah SWT baris pro-aktif ka hamba-Na anu dugi kana puncak kapasrahan anu teu nyandak dosa. Hiji orok bersih, suci tur teu gaduh dosa, ku kituna ambeuna oge seungit, sanaos henteu diibakan dina sadinten oge.

Jalmi dewasa memang kedah pro-aktif ngabersihkeun dirina, saupami hoyong ngaraih kurnia Pangeran sareng bebas tina rupi-rupi masalah, margi anjeuna parantos kakotoran ku rupi-rupi dosa sareng maksiat. Saupami anjeuna tiasa dugi sareng mertahankeun kana kasucian dirina, maka Allah SWT oge bakal pro-aktif ka anjeuna. Mangga, aos kisah sabaraha Nabi sareng wali Allah. Aranjeuna seueur kenging mu’jizat sareng karomah, margi dina hakekatna anjeuna mangrupikeun hiji orok teu gaduh dosa.

Nabi kantos ngisyaratkeun setiap jalmi ngagaduhan potensi sapertos orok, ngundang pro-aktifna Allah ka eta jalmi. Dina hadits disebatkeun: 

لَوْ أَنَّكُمْ تَتَوَكَّلُونَ عَلَى اللَّهِ حَقَّ تَوَكُّلِهِ لَرَزَقَكُمْ كَمَا يَرْزُقُ الطَّيْرَ تَغْدُو خِمَاصًا وَتَرُوحُ بِطَانًا

“Saupama aranjeun tawekal ka Allah, kalayan tawekal anu sabener-benerna (taslim), tangtu Allah baris ngarizkian ka aranjeun, sakumaha Allah ngarizkian ka manuk anu kaluar isuk-isuk tina sayangnya bari dina kaayaan lapar, jeung balik dina pasosore bari kaayaan beuteung seubeuh”

Isyarat pasrah dina hartos “taslim” oge kantos kaunggel dina al-Quran (al-Baqarah: 131), nalika Allah SWT ngadawuh ka Nabiyullah Ibrahim, “Pek hidep (Ibrahim) geura sumerah diri!”, maka manehna ngawaler, “Abdi pasrah sumerah ka Pangeran anu ngurus alam”

إِذْ قَالَ لَهُ رَبُّهُ أَسْلِمْ قَالَ أَسْلَمْتُ لِرَبِّ الْعَالَمِينَ

Ku totalitas pasrah anu diebrehken ku Nabi Ibrahim eta, urang uninga kumaha anjeuna ditangtayungan sareng disalametkeun ku Allah SWT tina kadoliman raja Namrud anu baris ngabinasakeun anjeuna ku cara diduruk dina seuneu anu ngabebela. Seuneu eta janten tiis ku kanyaah Allah SWT ka anjeuna:

قُلْنَا يَانَارُ كُونِي بَرْدًا وَسَلَامًا عَلَى إِبْرَاهِيمَ

Hadirin ahli Jum’ah.

Ku kituna sumangga urang tingkatkeun kualitas katawekalan sareng kapasrahan urang ka Allah SWT, malahmandar urang janten objek kanyaah Mantena, aamiin ya rabbal aalamiin.

بارك الله لى ولكم

_______________

 

 

الحمد لله رب العامين وبه نستعين والصلا والسلام على سيد المرسلين محمد وعلى آله وصحبه اجمعين. أشهد أن لا إله إلا الله وأشهد أن محمدا عبده ورسوله. أما بعد, فيا عباد الله أوصينى نفسى وإياكم بتقوى الله وطاعته لعلكم تفلحون وقال تعالى فاسجدوا لله واعبدوا. أللهم صل وسلم على سيدنا محمد وعلى آله وصحبه أجمعين آمين: أللهم اغفر للمسلمين والمسلمات والمؤمنين والمؤمنات الأحياء منهم والأموات, أللهم اجعلنا من الذين إذا ذكر الله وجلت قلوبهم وإذا تليت عليهم آياته زادتهم إيمانا وعلى ربهم يتوكلون  اَللهُمَّ ادْفَعْ عَنَّاالْغَلَآءَ وَالْبَلَآءَ وَالْوَبَآءَ وَالْفَحْشَاءَ وَالْمُنْكَرَ وَالسُّيُوْفَ الْمُخْتَلِفَةَ وَالشَّدَآئِدَ وَالْمِحَنَ مَاظَهَرَ مِنْهَا وَمَابَطَنَ مِنْ بَلَدِنَا هَذَا خَاصَّةً وَمِنْ بَلْدَانِ الْمُسْلِمِيْنَ عَامَّةً اِنَّكَ عَلَى كُلِّى شَيْئٍ قَدِيْرٌ ربنا آتنا من لدك رحمة وهيِّء لنا من أمرنا رشدا

 

عباد الله , إن الله يأمر بالعدل والإحسان وإيتاء ذى القربى وينهى عن الفحشاء والمنكر والبغي يعظكم لعلكم تذكرون أستغفرالله العظيم لى ولكم.