Sono Ka Rasulullah SAW

الحمد لله الذي أرسل رسوله بالهدى ودين الحق ليظهره على الدين كله ولو كره الكافرون. أشهد أن لاإله إلا الله وحده لاشريك له. وأشهد أن محمدا عبده ورسوله لا نبي بعده. اللهم صل وسلم على سيدنا محمد وعلى آله وأصحابه ومن والاه امابعد: فيامعاشر المسلمين رحمكم الله، إتقواالله حق تقاته ولا تموتن إلا وأنتم مسلمون. قال الله تعالى: لقد من الله على المؤمنين إذ بعث فيهم رسولا من أنفسهم يتلو عليهم آياته ويزكيهم ويعلمهم الكتاب والحكمة وإن كانوا من قبل لفي ضلال مبين

Ma’asyiral Muslimin Rahimakumullah.

Dinten-dinten ayeuna, kaum muslim di unggal beulahan dunya diemutkeun deui kana hiji kajantenan anu kalintang utami. Kajantenan anu nimbulkeun goncangan sareng parobahan dahsyat sacara global, nyaeta ngeunaan wedalna manusa anu pangalusna (khairul anam), sakaligus panutup (khatam) sareng pamingpin (sayyid) para Nabi sareng Rasul.

Kangjeng Nabi Muhammad SAW dilahirkeun dina sasih Rabi’ul Awwal. Sasih anu tangtosna ngemutkeun urang kana hadirna hiji inohong pembaru (reformer), sareng agen parobahan ka arah anu sae (al-muslih). Nanging anu langkung utami ti eta, anjeuna hadir minangka anu ngadugikeun (muballigh) risalah Allah anu panungtung sakaligus toladan (uswah) pikeun sadaya manusa. Allah SWT ngadawuh:

مَا كَانَ مُحَمَّدٌ أَبَآ أَحَدٍ مِّن رِّجَالِكُمْ وَلَٰكِن رَّسُولَ ٱللَّهِ وَخَاتَمَ ٱلنَّبِيِّۦنَ ۗ وَكَانَ ٱللَّهُ بِكُلِّ شَىْءٍ عَلِيمًا

“Ari Muhammad teh lain bapak salah saurang lalaki ti antara aranjeun, tatapina (anjeuna teh) Rasulullah jeung anu mungkas Nabi-nabi. Jeung Allah salawasna uninga kana sagala perkara” (QS Al-Ahzab: 40) 

لقد كان لكم في رسول الله أسوة حسنة لمن كان يرجو الله واليوم الآخر وذكر الله كثيرا

"Saestuna pikeun aranjeun aya conto anu hade di Rasululloh, nyaeta pikeun jalma-jalma anu miharep Allah jeung poe akhir, tur anu loba aringetna ka Allah."

Kaimanan sareng kacinta urang ka kangjeng Nabi Muhammad SAW, mangrupikeun bagean integral tina kacinta urang ka Pangeran. Surat Ali Imran ayat 31 nguningakeun

قل إن كنتم تحبون الله فاتبعوني يحببكم الله ويغفر لكم ذنوبكم والله غفور رحيم

“Caritakeun: lamun aranjeun micinta Allah, maka kudu narurut ka kaula, tinangtu Allah bakal micinta aranjeun, jeung ngahampura dosa-dosa ranjeun. Jeung Allah mahajembar pangampura tur maha welas asih.”

Kaom Muslimin anu miharep rahmat Allah.

Kalimah panyaksi: “Asyhadu An Laa Ilaaha Illa Allah” henteu tiasa dipisahkeun tina kecap “Wa Asyhadu Anna Muhammadan Rasuulullah”. Hal ieu ngandung hartos, mung ku ngalangkungan ajaran Nabi Muhammad SAW, urang baris dugi kana kaimanan anu leres sareng hakiki ka Allah SWT.

Suasana iman sapertos kitu kedah dirawat sareng janten bagean tina tarikan nafas para mukmin. Dina momen miemut maulid nabi ieu, urang mulih deui pikeun ngawangun komitmen dina iman sareng cinta ka anjeuna. Urang eusi deui dada urang ku gelora iman sareng cinta, dugi ka komitmen turut, tumut tur kataatan ka anjeuna langkung ningkat.

Di dunya anu seueur ku cocobi sareng fitnah sapertos mangsa kiwari ieu, sosok Nabi Muhammad SAW kalintang dipikasono ku manusa sangkan tiasa hadir deui, hiji sosok anu moal ngaraos tenang ku ayana rupi-rupi panyimpangan dina kahirupan manusa. 

Urang diemutkeun deui ngeunaan kaayaan Kota Makkah sateuacan Nabi Muhammad SAW lahir. Kabodoan (jahiliyah), kadoliman, rasisme, diskriminasi gender sareng ras, oge tangtosna kekerasan (peperangan) antarsuku mangrupikeun pamandangan anu biasa.

Kondisi sapertos eta anu ngajantenkeun Nabi Muhammad SAW tagiwur, malihan hanjelu. Batin anjeuna henteu ngaraos tengtrem ningal kaayaan kahirupan anu bobrok sacara sosial. Ku kituna anjeuna sering “tahannuts” di “Jabal Nur”, Gunung Cahaya.

Kaum muslimin anu miharep rahmat Allah.

Saleresna kahanjelu batin balukar tina sagala rupi panyimpangan sosial eta, parantos nganteurkeun Nabi Muhammad SAW diangkat janten Rasul sareng Nabi panungtung. Sareng ku tujuan eta deui anjeuna ngalakukeun perjoangan (jihad) dugi ka aya parobahan anu ngadasar di semenanjung Arabia dina mangsa kirang ti 23 taun.

Maka di tengah teu aya kapastian dunya kiwari, di mana anu bener dianggap salah, sareng anu salah dianggap bener, jalma hade dianggap ngabahayakeun sarta jalma jahat justeru dipromosikeun jadi pamingpin, kasono kana hadirna sosok Nabi Muhammad SAW karaos pisan.

Kahirupan di dunya mangsa ayeuna memang aneh-aneh, agama malah ditingali janten ancaman, samulihna ideologi “anti agama” diangken ngagaduhan nilai positif. Jalma-jalma anu ngagem agama dipersekusi, diancam, sementawis maranehna anu ngahinakeun agama kenging perlakuan istimewa. 

Kaayaan di dunya Barat, sapertos anu kajantenan di nagara Prancis ayeuna, nilai-nilai kabebasan digunakeun sakarep udel manusa. Nilai-nilai agama, Kitab Suci, sareng aranjeuna anu dihormat sareng dimulyakeun, sapertos para Nabi sareng Rasul, dilecehkeun. Hal sapertos kieu tos janten pamadegan sareng pamandangan lumrah di masyarakat Barat atas nami kabebasan.

Maka dina mangsa  dunya anu pinuh ku tagayur sapertos kieu di mana saolah-olah mulih deui kana kaayaan poek mangsa jahiliyah, sosok Nabi Muhammad SAW dipikameumeut sangkan hadir deui, minangka anu nyandak “nur”, cahaya, “rahmah”, kanyaah, sakaligus “uswah”, toladan, pikeun sadaya alam, sakumaha dawuhan Allah SWT:

وَمَا أَرْسَلْنَاكَ إِلَّا رَحْمَةً لِلْعَالَمِينَ

“Jeung Kami teu pati-pati ngutus anjeun kajaba jadi rahmat pikeun alam” (QS Al-Anbiya: 107).

Tangtosna oge kahadiran anjeuna moal mungkin sacara fisik. Anjeuna mangrupikeun “basyar” (manusa biasa) anu mangsa jumenengna di dunya ieu parantos rengse. Nanging nilai-nilai, ajaran, kataoladanan anjeuna teras hirup dugi ka akhir zaman, anu sadaya eta janten amanah anu aya dina pundak umatna. Ku kituna kacinta sareng kasono ka Kangjeng Nabi Muhammad SAW saleresna janten tangtangan ka ummatna, naha aranjeuna mampuh ngahadirkeun deui cahaya, “nur”, nilai-nilai, sareng kataoladanan Rasulullah SAW di tengah-tengah kondisi dunya sapertos ayeuna?

Kaum muslimin anu miharep rahmat Allah.

Di dieu pisan, urang tiasa tinemu sareng urgensi miemut maulid nabi, yen sanes bentuk acarana anu kedah dipermasalahkeun, nanging langkung kana makna nyurtian, tiasa ngalenyepan, ngamalkeun sareng ngadugikeun naon anu janten amanah ka urang ti Kangjeng Nabi Muhammad SAW, nyaeta nyandak agen-agen parobihan, ngahadirkeun deui cahaya di tengah kondisi teu pasti anu nimpa dunya danget ieu.

Urang mahabbah ka Rasulullah, urang sono ka Rasulullah, malahmandar urang tiasa diangkeun oge dihijikeun sareng mantena di sawarga Allah Ta’ala, aamiin…

اللهم صل على سيدنا محمد وآله وصحبه وسلم

 

 

بارك الله لى ولكم فى القرآن العظيم ونفعنى وإياكم بما فيه من الآيات والذكرالحكيم وتقبل منى ومنكم تلاوته إنه هو السميع العليم

____________________

الحمد لله الذي نحمده ونستعينه ونستغفره ونعوذ بالله من شرور أنفسنا وسيئات أعمالنا من يهد الله فلا مضل له ومن يضلل فلا هادي له. أشهد أن لا إله إلا الله وأشهد أن محمدا رسول الله. أللهم صل وسلم على رسول الله سيدنا محمد وعلى آله وصحبه ومن تبعه إلى يوم القيامه. أما بعد, فيا عباد الله أوصينى نفسى وإياكم بتقوى الله وطاعته لعلكم تفلحون وقال تعالى إن الله وملائكته يصلون على النبي ياأيها الذين آمنوا صلوا عليه وسلموا تسليما.

أللهم صل وسلم وبارك عليه آمين: أللهم اغفر للمسلمين والمسلمات والمؤمنين والمؤمنات الأحياء منهم والأموات, ربنا آمنا بما أنزلت واتبعنا الرسول فاكتبنا مع الشاهدين. ربنا آتنا من لدك رحمة وهيِّء لنا من أمرنا رشدا.

 

عباد الله , إن الله يأمر بالعدل والإحسان وإيتاء ذى القربى وينهى عن الفحشاء والمنكر والبغي يعظكم لعلكم تذكرون أستغفرالله العظيم لى ولكم.